(ก) โย โทมนสฺสินฺทฺริยํ ปชหติ โส อญฺญาตาวินฺทฺริยํ สจฺฉิกริตฺถาติ? โนฯ
(ข) โย วา ปน อญฺญาตาวินฺทฺริยํ สจฺฉิกริตฺถ โส โทมนสฺสินฺทฺริยํ ปชหตีติ? โนฯ (โทมนสฺสินฺทฺริยมูลกํ)
[461] (ก) โย อนญฺญาตญฺญสฺสามีตินฺทฺริยํ ภาเวติ โส อญฺญินฺทฺริยํ ภาวิตฺถาติ? โนฯ
(ข) โย วา ปน อญฺญินฺทฺริยํ ภาวิตฺถ โส อนญฺญาตญฺญสฺสามีตินฺทฺริยํ ภาเวตีติ? โนฯ
(ก) โย อนญฺญาตญฺญสฺสามีตินฺทฺริยํ ภาเวติ โส อญฺญาตาวินฺทฺริยํ สจฺฉิกริตฺถาติ? โนฯ
(ข) โย วา ปน อญฺญาตาวินฺทฺริยํ สจฺฉิกริตฺถ โส อนญฺญาตญฺญสฺสามีตินฺทฺริยํ ภาเวตีติ? โนฯ (อนญฺญาตญฺญสฺสามีตินฺทฺริยมูลกํ)
[462] (ก) โย อญฺญินฺทฺริยํ ภาเวติ โส อญฺญาตาวินฺทฺริยํ สจฺฉิกริตฺถาติ? โนฯ
(ข) โย วา ปน อญฺญาตาวินฺทฺริยํ สจฺฉิกริตฺถ โส อญฺญินฺทฺริยํ ภาเวตีติ? โนฯ (อญฺญินฺทฺริยมูลกํ)
(ข) ปจฺจนีกํ
[463] (ก) โย จกฺขุนฺทฺริยํ น ปริชานาติ โส โทมนสฺสินฺทฺริยํ นปฺปชหิตฺถาติ?
ทฺเว ปุคฺคลา จกฺขุนฺทฺริยํ น ปริชานนฺติ, โน จ โทมนสฺสินฺทฺริยํ นปฺปชหิตฺถฯ ฉ ปุคฺคลา จกฺขุนฺทฺริยญฺจ น ปริชานนฺติ โทมนสฺสินฺทฺริยญฺจ นปฺปชหิตฺถฯ
(ข) โย วา ปน โทมนสฺสินฺทฺริยํ นปฺปชหิตฺถ โส จกฺขุนฺทฺริยํ น ปริชานาตีติ? อามนฺตาฯ
(ก) โย จกฺขุนฺทฺริยํ น ปริชานาติ โส อนญฺญาตญฺญสฺสามีตินฺทฺริยํ น ภาวิตฺถาติ?
ฉ ปุคฺคลา จกฺขุนฺทฺริยํ น ปริชานนฺติ, โน จ อนญฺญาตญฺญสฺสามีตินฺทฺริยํ น ภาวิตฺถฯ ทฺเว ปุคฺคลา จกฺขุนฺทฺริยญฺจ น ปริชานนฺติ อนญฺญาตญฺญสฺสามีตินฺทฺริยญฺจ น ภาวิตฺถฯ
(ข) โย วา ปน อนญฺญาตญฺญสฺสามีตินฺทฺริยํ น ภาวิตฺถ โส จกฺขุนฺทฺริยํ น ปริชานาตีติ? อามนฺตาฯ
(ก) โย จกฺขุนฺทฺริยํ น ปริชานาติ โส อญฺญินฺทฺริยํ น ภาวิตฺถาติ?
อรหา จกฺขุนฺทฺริยํ น ปริชานาติ, โน จ อญฺญินฺทฺริยํ น ภาวิตฺถฯ สตฺต ปุคฺคลา จกฺขุนฺทฺริยญฺจ น ปริชานนฺติ อญฺญินฺทฺริยญฺจ น ภาวิตฺถฯ
(ข) โย วา ปน อญฺญินฺทฺริยํ น ภาวิตฺถ โส จกฺขุนฺทฺริยํ น ปริชานาตีติ?
อคฺคมคฺคสมงฺคี อญฺญินฺทฺริยํ น ภาวิตฺถ, โน จ จกฺขุนฺทฺริยํ น ปริชานาติฯ สตฺต ปุคฺคลา อญฺญินฺทฺริยญฺจ น ภาวิตฺถ จกฺขุนฺทฺริยญฺจ น ปริชานนฺติฯ
(ก) โย จกฺขุนฺทฺริยํ น ปริชานาติ โส อญฺญาตาวินฺทฺริยํ น สจฺฉิกริตฺถาติ?
อรหา จกฺขุนฺทฺริยํ น ปริชานาติ, โน จ อญฺญาตาวินฺทฺริยํ น สจฺฉิกริตฺถฯ อฏฺฐ ปุคฺคลา จกฺขุนฺทฺริยญฺจ น ปริชานนฺติ อญฺญาตาวินฺทฺริยญฺจ น สจฺฉิกริตฺถฯ
(ข) โย วา ปน อญฺญาตาวินฺทฺริยํ น สจฺฉิกริตฺถ โส จกฺขุนฺทฺริยํ น ปริชานาตีติ?
อคฺคมคฺคสมงฺคี อญฺญาตาวินฺทฺริยํ น สจฺฉิกริตฺถ, โน จ จกฺขุนฺทฺริยํ น ปริชานาติฯ อฏฺฐ ปุคฺคลา อญฺญาตาวินฺทฺริยญฺจ น สจฺฉิกริตฺถ จกฺขุนฺทฺริยญฺจ น ปริชานนฺติฯ (จกฺขุนฺทฺริยมูลกํ)
[464] (ก) โย โทมนสฺสินฺทฺริยํ นปฺปชหติ โส อนญฺญาตญฺญสฺสามีตินฺทฺริยํ น ภาวิตฺถาติ?
ฉ ปุคฺคลา โทมนสฺสินฺทฺริยํ นปฺปชหนฺติ, โน จ อนญฺญาตญฺญสฺสามีตินฺทฺริยํ น ภาวิตฺถฯ ทฺเว ปุคฺคลา โทมนสฺสินฺทฺริยญฺจ นปฺปชหนฺติ อนญฺญาตญฺญสฺสามีตินฺทฺริยญฺจ น ภาวิตฺถฯ
(ข) โย วา ปน อนญฺญาตญฺญสฺสามีตินฺทฺริยํ น ภาวิตฺถ โส โทมนสฺสินฺทฺริยํ นปฺปชหตีติ? อามนฺตาฯ
(ก) โย โทมนสฺสินฺทฺริยํ นปฺปชหติ โส อญฺญินฺทฺริยํ น ภาวิตฺถาติ?
อรหา โทมนสฺสินฺทฺริยํ นปฺปชหติ, โน จ อญฺญินฺทฺริยํ น ภาวิตฺถฯ สตฺต ปุคฺคลา โทมนสฺสินฺทฺริยญฺจ นปฺปชหนฺติ อญฺญินฺทฺริยญฺจ น ภาวิตฺถฯ
(ข) โย วา ปน อญฺญินฺทฺริยํ น ภาวิตฺถ โส โทมนสฺสินฺทฺริยํ นปฺปชหตีติ?
อนาคามิมคฺคสมงฺคี อญฺญินฺทฺริยํ น ภาวิตฺถ, โน จ โทมนสฺสินฺทฺริยํ นปฺปชหติฯ สตฺต ปุคฺคลา อญฺญินฺทฺริยญฺจ น ภาวิตฺถ โทมนสฺสินฺทฺริยญฺจ นปฺปชหนฺติฯ
(ก) โย โทมนสฺสินฺทฺริยํ นปฺปชหติ โส อญฺญาตาวินฺทฺริยํ น สจฺฉิกริตฺถาติ?
อรหา โทมนสฺสินฺทฺริยํ นปฺปชหติ, โน จ อญฺญาตาวินฺทฺริยํ น สจฺฉิกริตฺถฯ อฏฺฐ ปุคฺคลา โทมนสฺสินฺทฺริยญฺจ นปฺปชหนฺติ อญฺญาตาวินฺทฺริยญฺจ น สจฺฉิกริตฺถฯ
(ข) โย วา ปน อญฺญาตาวินฺทฺริยํ น สจฺฉิกริตฺถ โส โทมนสฺสินฺทฺริยํ นปฺปชหตีติ?
อนาคามิมคฺคสมงฺคี อญฺญาตาวินฺทฺริยํ น สจฺฉิกริตฺถ, โน จ โทมนสฺสินฺทฺริยํ นปฺปชหติฯ อฏฺฐ ปุคฺคลา อญฺญาตาวินฺทฺริยญฺจ น สจฺฉิกริตฺถ โทมนสฺสินฺทฺริยญฺจ นปฺปชหนฺติฯ (โทมนสฺสินฺทฺริยมูลกํ)
[465] (ก) โย อนญฺญาตญฺญสฺสามีตินฺทฺริยํ น ภาเวติ โส อญฺญินฺทฺริยํ น ภาวิตฺถาติ?
อรหา อนญฺญาตญฺญสฺสามีตินฺทฺริยํ น ภาเวติ, โน จ อญฺญินฺทฺริยํ น ภาวิตฺถฯ สตฺต ปุคฺคลา อนญฺญาตญฺญสฺสามีตินฺทฺริยญฺจ น ภาเวนฺติ อญฺญินฺทฺริยญฺจ น ภาวิตฺถฯ
(ข) โย วา ปน อญฺญินฺทฺริยํ น ภาวิตฺถ โส อนญฺญาตญฺญสฺสามีตินฺทฺริยํ น ภาเวตีติ?
อฏฺฐมโก อญฺญินฺทฺริยํ น ภาวิตฺถ, โน จ อนญฺญาตญฺญสฺสามีตินฺทฺริยํ น ภาเวติฯ สตฺต ปุคฺคลา อญฺญินฺทฺริยญฺจ น ภาวิตฺถ อนญฺญาตญฺญสฺสามีตินฺทฺริยญฺจ น ภาเวนฺติฯ
(ก) โย อนญฺญาตญฺญสฺสามีตินฺทฺริยํ น ภาเวติ โส อญฺญาตาวินฺทฺริยํ น สจฺฉิกริตฺถาติ?
อรหา อนญฺญาตญฺญสฺสามีตินฺทฺริยํ น ภาเวติ, โน จ อญฺญาตาวินฺทฺริยํ น สจฺฉิกริตฺถฯ อฏฺฐ [สตฺต (สี. สฺยา. ก.)] ปุคฺคลา อนญฺญาตญฺญสฺสามีตินฺทฺริยญฺจ น ภาเวนฺติ อญฺญาตาวินฺทฺริยญฺจ น สจฺฉิกริตฺถฯ
(ข) โย วา ปน อญฺญาตาวินฺทฺริยํ น สจฺฉิกริตฺถ โส อนญฺญาตญฺญสฺสามีตินฺทฺริยํ น ภาเวตีติ?
อฏฺฐมโก อญฺญาตาวินฺทฺริยํ น สจฺฉิกริตฺถ, โน จ อนญฺญาตญฺญสฺสามีตินฺทฺริยํ น ภาเวติฯ อฏฺฐ ปุคฺคลา อญฺญาตาวินฺทฺริยญฺจ น สจฺฉิกริตฺถ อนญฺญาตญฺญสฺสามีตินฺทฺริยญฺจ น ภาเวนฺติฯ (อนญฺญาตญฺญสฺสามีตินฺทฺริยมูลกํ)
[466] (ก) โย อญฺญินฺทฺริยํ น ภาเวติ โส อญฺญาตาวินฺทฺริยํ น สจฺฉิกริตฺถาติ?
อรหา อญฺญินฺทฺริยํ น ภาเวติ, โน จ อญฺญาตาวินฺทฺริยํ น สจฺฉิกริตฺถฯ ฉ [ปญฺจ (สี. สฺยา. ก.)] ปุคฺคลา อญฺญินฺทฺริยญฺจ น ภาเวนฺติ อญฺญาตาวินฺทฺริยญฺจ น สจฺฉิกริตฺถฯ
(ข) โย วา ปน อญฺญาตาวินฺทฺริยํ น สจฺฉิกริตฺถ โส อญฺญินฺทฺริยํ น ภาเวตีติ?
ตโย มคฺคสมงฺคิโน อญฺญาตาวินฺทฺริยํ น สจฺฉิกริตฺถ, โน จ อญฺญินฺทฺริยํ น ภาเวนฺติฯ ฉ [ปญฺจ (สี. สฺยา. ก.)] ปุคฺคลา อญฺญาตาวินฺทฺริยญฺจ น สจฺฉิกริตฺถ อญฺญินฺทฺริยญฺจ น ภาเวนฺติฯ (อญฺญินฺทฺริยมูลกํ)
5. ปจฺจุปฺปนฺนานาคตวาโร
(ก) อนุโลมํ
[467] (ก) โย จกฺขุนฺทฺริยํ ปริชานาติ โส โทมนสฺสินฺทฺริยํ ปชหิสฺสตีติ? โนฯ
(ข) โย วา ปน โทมนสฺสินฺทฺริยํ ปชหิสฺสติ โส จกฺขุนฺทฺริยํ ปริชานาตีติ? โนฯ
